Þetta er magnað fyrirbæri

Verkið sem sjá má í meðfylgjandi myndskeiði var tekið upp yfirnótt síðastliðið sumar. Þar er áherslan lögð á endurfæðingu og sjálfstraust.

„Konurnar sem taka þátt í verkinu verða að verum í vatninu. „Smátt og smátt hverfa þær frá áhorfandanum og inn í sinn eigin heim þar sem þær sameinast vatninu og uppgötva eigin styrkleika," segir Kitty Von-Sometime sem er fædd og uppalin í Bretlandi.

Kitty lýsir upplifun sinni af Bláa Lóninu með eftirfarandi hætti. „Áður en ég flutti til Íslands heimsótti ég Bláa Lónið í öll þau skipti sem ég kom hingað til lands sem ferðamaður og oftar en einu sinni í hverri ferð. Staðurinn er töfrum slunginn og ólíkur öllum öðrum stöðum sem ég hef heimsótt. Staðurinn er sjónrænn og ég hef lengi haft hug á að nota hann í verkum mínum. Gufan og hið einkennilega næstum mjólkurbláa veita gjörningnum töfrandi umgjörð." 

Bláa Lónið leggur áherslu á samstarf með listamönnum, samstarfið felst m.a. í að vinna með listamönnum sem vilja nýta umhverfi Bláa Lónsins sem umgjörð fyrir list sína. Weird Girls gjörningurinn leysir orku þátttakenda úr læðingi. Listviðburðir varða nýju ljósi á Bláa Lónið um leið og það verður hluti af sköpunarverki listamannsins.

„Weird Girls verkefni Kitty Von-Sometime er einstætt verk sem miðar að því að leysa innri kraft úr læðingi," segir Magnea Guðmundsdóttir, kynningarstjóri, Bláa Lónsins.

Weird Girls verkefni Kitty Von-Sometime er verk í þróun. Verkið þróast þátt eftir þátt og er ferli hvers þáttar um þrír mánuðir. Þátttakendur vita eins lítið og mögulegt er um verkefnið fyrir utan dagsetningu þess. Meginviðfangsefni hvers þáttar er að leysa hið óþekkta úr læðingi.

Nýlega var einn þáttur Weird Girls verkefnisins unninn í samstarfi við Converse í Kína. Kitty Von-Sometime vinnur nú að list sinni í Shanghai þar sem hún dvelur í boði Swatch.

Blaalonid.is