Bílstjóraþjónustan sló í gegn

Þegar líður að árslokum er gaman að líta yfir farinn veg og rýna í árið sem brátt er að baki. Fréttablaðið tók saman vinsælustu dægurmálafréttir sínar á Vísi árið 2012, en frétt um bílstjóraþjónustu fyrir ölvaða var vinsælasta dægurfrétt ársins.



1. Skutla bílunum heim fyrir ölvaða fólkið (desember)

Félagarnir Ómar Þröstur Hjaltason og Kristinn Sævar Magnússon stofnuðu fyrirtækið Keyrðu mig heim, sem sérhæfir sig í bílstjóraþjónustu fyrir ölvaða. Fyrirtækið er með bílstjóra á sínum snærum sem sækja samkvæmisljón í bæinn og skutla þeim heim á þeirra eigin bíl.

2. Uppgötvaður af L.A. Reid og kominn á samning hjá Sony (nóvember)

Tónlistarmaðurinn og knattspyrnukappinn Jón Ragnar Jónsson landaði plötusamningi við Sony eftir að hann heillaði útgáfustjórann og X Factor-dómarann L.A. Reid.

3. Arnar Gunnlaugs kolféll fyrir bandarískri leikkonu (janúar)

Knattspyrnuhetjan Arnar Gunnlaugsson og leikkonan Michaela Conlin felldu hugi saman þegar leikkonan heimsótti Ísland í nóvember 2011. Parið kynntist í gegnum Ásdísi Rán og eyddi áramótunum saman. Conlin er þekktust fyrir að leika í sjónvarpsþáttunum Bones.

4. Sölvi Tryggva tók inn nauðgunarlyf (febrúar)

Fjölmiðlamaðurinn Sölvi Tryggvason tók inn töflu af samheitalyfi Rohypnol í rannsóknarskyni fyrir þátt sinn Málið. þátturinn fjallaði um nauðgunarlyf og var sýndur á Skjá einum mánudaginn í mars.

5. Leoncie svarar Tobbu Marínós (febrúar)

Leoncie sendi Tobbu Marínósdóttir tóninn vegna pistils sem hún skrifaði á bloggsíðu sína um tónleika þeirrar fyrrnefndu á Gauki á Stöng í lok janúar. Tobba kvartaði undan því hversu seint Leoncie steig á sviðið, ásökunum sem Leoncie vísaði alfarið á bug.

6. Kynlífsórar kvenna aukast (mars)

Frétt sem greindi frá því að nýjar rannsóknir hefðu leitt í ljós að kynlífsórar kvenna aukast í kringum þann tíma tíðahringsins þegar egglos á sér stað.

8. Heiðar keypti 100 milljóna hús (ágúst)

Fótboltamaðurinn Heiðar Helguson keypti hús á Sunnuvegi. Fréttablaðið hafði heimildir fyrir því að eignin kostaði um 100 milljónir króna.

Voru skíthræddir um að bardaginn yrði blásinn af (október)

Jón Viðar Arnþórsson veitti Gunnari Nelson skurð á andlit þegar þeir tóku létta æfingu fyrir fyrsta UFC-bardaga Gunnars. Samkvæmt reglum UFC mega keppendur ekki vera með skurð í andliti þegar í bardagann er komið og óttaðist Jón Viðar að hann væri búinn að eyðileggja allt fyrir félaga sínum. Svo reyndist þó ekki vera.

9. Engin kvöð að þykjast vera ástfanginn (júlí)

Elmar Johnson lék kærasta Þórunnar Antoníu Magnúsdóttur í myndbandi við So High af nýrri plötu hennar. Elmar sagði tengingu hafa myndast auðveldlega milli þeirra og að það hafi ekki verið nein kvöð að þykjast vera ástfanginn af henni.

10. Óþekkjanleg í hlutverki Hildar Lífar í Skaupinu (janúar)

Leikkonan Anna Gunndís Guðmundsdóttir, eða Dunda, sló í gegn sem glamúrgellan Hildur Líf í Áramótaskaupinu í fyrra.