Tilnefningar birtar

Kvikmyndaverðlaunin Critics' Choice fara fram í átjánda sinn þann 10. janúar. Tilnefningarnar voru kynntar á þriðjudaginn.

Meðal þeirra kvikmynda sem keppa í flokki bestu mynda ársins eru Argo, Beasts of the Southern Wild, Django Unchained, Les Miserables, Life of Pi og Silver Linings, en alls voru tíu myndir tilnefndar í flokknum. Leikararnir Bradley Cooper og Daniel Day-Lewis voru í hópi bestu leikara ársins og Jessica Chastain og Jennifer Lawrence þóttu á meðal bestu leikkvenna ársins.

Keppt er til verðlauna í fjölda flokka, þar á meðal um bestu förðunina, besta handritið og bestu hasarmyndina.