Nýr maður við stjórnvölinn

Jón Svanberg Hjartarson hefur verið ráðinn framkvæmdastjóri Slysavarnafélagsins Landsbjargar frá 1. janúar 2013. Eins og komið hefur fram í Fréttablaðinu var samið um starfslok forvera Jóns í starfinu fyrr í þessum mánuði.

Að því er segir í frétt frá SL hefur Jón verið félagi í Björgunarsveitinni Sæbjörgu á Flateyri frá 1986 og var formaður sveitarinnar árin 1996 til 2002. Hann var lögreglumaður á Ísafirði frá 1994 til 2009, þar af varðstjóri frá 1996-2009. Frá 2009 hefur Jón verið framkvæmdastjóri Iceland ProFishing ehf.