Fluttu fimmtán ára gamalt mál

Líkamsárásarmál frá því í maí 1997 var flutt í Hæstarétti í gær. Málið snýst um líkamsárás fyrir utan skemmtistaðinn Vegas sem leiddi til dauða fórnarlambsins.

Sigurþór Arnarsson var fundinn sekur um að hafa orðið manninum að bana í Hæstarétti vorið 1998 og var dæmdur í tveggja og hálfs árs fangelsi. Hann hafði áður verið sýknaður í héraðsdómi.

Sigurþór taldi að brotið hefði verið gegn réttlátri málsmeðferð þar sem ekki voru teknar nýjar skýrslur af sakborningum og vitnum fyrir Hæstarétti. Hann fór með málið til Mannréttindadómstóls Evrópu, sem féllst á sjónarmið hans og lagði fyrir Hæstarétt að rétta aftur í málinu. Það var gert í gær.