Hverjir voru hvar á Airwaves

Gestir tónlistarhátíðarinnar Airwaves létu veður og vind ekki á sig fá á fimmtudagskvöldið og fjölmenntu á hina ýmsu tónleikastaði miðbæjarins. Tónlistarkonan Björk var mætti á hipp hopp kvöld Þýska barsins þar sem hún meðal annars skemmti sér við rapp Gísla Pálma. Þar voru einnig borgarfulltrúinn Dagur B. Eggertsson ásamt Örnu konu sinni, Snorri Helgason og sjónvarpskonan Margrét Maack.

Í Hörpu mátti einnig sjá nokkur þekkt andlit meðal áhorfenda. Tónlistarkonurnar Lay Low og Védís Hervör flökkuðu um ganga tónlistarhússins. Sverrir Þór Sverrisson, betur þekktur sem Sveppi, hlustaði á Mugison í Norðurljósasalnum en þar voru einnig Pétur Ben, fyrrum knattspyrnukappinn Ríkharður Daðason og Harmageddon-tvíeykið Máni og Frosti.