Leikur veika konu

Búið er að ráða í helstu hlutverk kvikmyndarinnar You're Not You sem byggð er á samnefndri skáldsögu höfundarins Michelle Wildgren.

Sagan segir frá ungum og svolítið sjálfselskum háskólanemanda sem ræður sig í umönnunarstarf hjá konu sem þjáist af taugavöðvasjúkdómnum ALS. Eftir svolítinn tíma í starfinu fer stúlkan að líta á lífið öðrum augum.

Hilary Swank fer með hlutverk konunnar og mun Emmy Rossum leika ungu stúlkuna. Leikarinn Josh Duhamel mun einnig leika í myndinni en ekki er ljóst hvaða hlutverk hann tekur að sér.