Afþakkaði Homeland

Ben Affleck bauðst að leikstýra þætti í þáttaröðinni Homeland en afþakkaði vegna þess að eiginkona hans, Jennifer Garner, var upptekin við vinnu. „Við erum með samkomulag. Þegar ég vinn þá er hún heima og öfugt.“

„Hún var við tökur í Atlanta þegar mér bauðst þetta verkefni og því varð ég að segja nei. Mér var alveg sama því ég hélt að ekkert yrði úr þættinum,“ útskýrði leikarinn og bætti við í gamansömum tón að hann hreinlega þoldi ekki þáttinn í dag.

„Ég hef ekki séð einn einasta þátt, en ég þoli hann samt ekki.“