Níu af tíu réðu fólk í fyrra

Samdráttartímanum í íslensku atvinnulífi er líklegast lokið þó að ekki sé útlit fyrir mikinn vöxt á næstunni. Níu af hverjum tíu fyrirtækjum og stofnunum réðu til sín fólk á síðasta ári. Þetta er meðal niðurstaðna rannsóknar Arneyjar Einarsdóttur og Katrínar Ólafsdóttur, lektora við viðskiptadeild Háskólans í Reykjavík, sem verða kynntar í dag.

Fram kemur að meirihluti fyrirtækja telur litlar eða engar líkur á hópuppsögnum á næstunni, en ekki heldur mun útlit fyrir stórtækar ráðningar. Þá hefur frekar verið gripið til launalækkana og lækkunar starfshlutfalls í stað uppsagna. Hafi komið til slíks hafa fyrirtækin almennt boðið starfsfólki upp á aðstoð í kjölfar uppsagnar.- þj