Hitti rúmenska ráðherra í gær

Össur Skarphéðinsson utanríkisráðherra fundaði í gær með Teodor Baconschi, utanríkisráðherra Rúmeníu, í Búkarest, höfuðborg landsins. Þar að auki hitti Össur Petru Filip, forseta rúmenska þingsins, og Leonard Orban, Evrópumálaráðherra landsins.

Á fundunum kynnti Össur hugmyndir um að styrkir úr Þróunarsjóði EFTA, sem Ísland á aðild að, verði nýttir til að hefja jarðhitaverkefni í Rúmenía. Össur ræddi einnig aðildarumsókn Íslands að ESB og þá var rætt um leiðir til að auka viðskipti ríkjanna. Þetta er í fyrsta sinn sem íslenskur utanríkisráðherra fer til Rúmeníu í opinbera heimsókn.- mþl