Petra Sveinsdóttir látin

Petra Sveinsdóttir, steinasafnari á Stöðvarfirði, er látin. Petra lést á þriðjudag á hjúkrunarheimilinu Uppsölum á Fáskrúðsfirði. Petra safnaði steinum frá tvítugsaldri, og opnaði steinasafn á heimili sínu fyrir almenningi þegar eiginmaður hennar lést árið 1974.

Safnið hefur verið mest sótta safnið á Austurlandi á síðustu árum. Petra rak safnið til ársins 2007 þegar hún flutti á hjúkrunarheimilið og afkomendur hennar tóku við safninu.

Petra giftist Jóni Ingimundarsyni árið 1945 og áttu þau fjögur börn sem öll lifa móður sína. Petra fékk fálkaorðuna árið 1995.