Listi Kópavogsbúa vill ekki starfa áfram með Samfylkingunni

Listi Kópavogsbúa ætlar ekki að halda áfram samstarfi sínu við Samfylkinguna í bæjarstjórn Kópavogs. Þetta segir Rannveig Ásgeirsdóttir oddviti Samfylkingarinnar í samtali við RÚV. Hún segir ljóst að flokkurinn ætli ekki að taka þátt í þeim meirihlutaviðræðum sem nú standa yfir en að öðru leyti vildi hún ekki tjá sig um ástæður þeirrar ákvörðunar. Von er á yfirlýsingu frá flokknum síðar í kvöld.

Meirihlutinn í bæjarstjórn Kópavogs sprakk á dögunum þegar Hjálmar Hjálmarsson bæjarfulltrúi Næstbesta flokksins lýsti sig ósáttan við hvernig staðið var að uppsögn Guðrúnar Pálsdóttur bæjarstjóra. Meirihlutann í bænum mynduðu þrír fulltrúar Samfylkingarinnar, einn fulltrúi VG, einn frá Næstbesta flokknum og einn frá Lista Kópavogsbúa.

Miðað við þetta lítur úr fyrir að tveir fulltrúar hafi nú yfirgefið samstarfið. Ekki náðist í rannveigu við vinnslu fréttarinnar.