Norðurál sátt við niðurstöðu Hæstaréttar

Norðurál fagnar niðurstöðu í máli varðandi tryggingarbætur til Þórarins Björns Steinssonar. Þórarinn slasaðist við það að bjarga samstarfskonu sinni er hún varð undir bakskautaklemmu við vinnu.

Hæstiréttur komst að þeirri niðurstöðu í dag að viðbrögð Þórarins hafi verið eðlilegar miðað við þær aðstæður sem komu upp. Þannig voru viðbrögð Þórarins til þess gerðar að draga úr tjóni samstarfskonunnar og voru því í þágu hagsmuna Norðuráls.

Í yfirlýsingu frá Norðuráli kemur fram að fyrirtækið sé sátt við niðurstöðu Hæstaréttar. „Niðurstaðan eyðir óvissu um viðbrögð starfsfólks við hugsanlega slysum og rétt þess til trygginga samkvæmt skilmálum Sjóvár."

Norðurál kaupir tryggingar af Sjóvá og var forræði og rekstur málsins í höndum tryggingarfélagsins.

Norðurál gagnrýnir fréttaflutning um málið og segir að ranglega hafi verið sagt að fyrirtækið hafi tekið afstöðu gegn Þórarni og neitað honum um aðstoð.