Leigir hús í hjarta Beverly Hills

Sjónvarpsstjarnan Kelsey Grammer er búinn að finna nýtt heimili til að leigja fyrir sig, eiginkonu sína Kayte Walsh og nýfædda dóttur þeirra, Faith. Fyrir það borgar hann þrjátíu þúsund dollara á mánuði, tæpar fjórar milljónir króna.

Húsið var hannað árið 1926 af arkitektinum Ralph C. Flewelling og er búið fimm svefnherbergjum og sex baðherbergjum. Þetta glæsihýsi er staðsett í hjarta Beverly Hills og því fylgir gestahús við sundlaugina.

Kelsey er nýskilinn við Camille Grammer en þau áttu tvö hús saman sem bæði eru á sölu – annað í Beverly Hills, hitt í Malibu.

Þú gætir unnið - vertu með okkur á Facebook.