Samstaða kaus nýjan varaformann

Á fundi stjórnar Samstöðu, flokks lýðræðis og velferðar, 29. febrúar síðastliðinn var Sigurjón Norberg Kjærnested kjörinn annar varaformaður flokksins eftir að Sigurður Þ. Ragnarsson ákvað að segja skilið við flokkinn.

Sigurður sagði sig úr flokknum vegna samstarfsörðugleika við stjórn Samstöðu. Þau átök kristölluðust meðal annars í tölvupósti sem Lilja Mósesdóttir, formaður Samstöðu, sendi á Sigurð eftir að hann hætti.

Þess má geta að Sigurjón var áður í Framsóknarflokknum en hann var meðal annars Formaður ungra framsóknarmanna áður en hann gekk í lið með Samstöðu.