27 kíló farin

Söngkonan Jessica Simpson hefur verið mikið í sviðsljósinu eftir að hún eignaðist dótturina Maxwell fyrir sex mánuðum síðan.

Hefur holdafar hennar verið á milli tannanna á fólki en hún þyngdist um rúmlega þrjátíu kíló á meðgöngunni. Hún er í stífri þjálfun núna þökk sé Weight Watchers-prógramminu og hefur losað sig við 27 kíló.

Jessica æfir með einkaþjálfaranum Harley Pasternak fjórum sinnum í viku en Liz Josefsberg hjá Weight Watchers segir Jessicu afar ákveðna.

"Hún er með fókusinn í lagi og er staðráðin í því að komast í betra form. Hún er hugrökk að gera það á heilbrigaðn hátt."