Samtök iðnaðarins vilja kanna upptöku kanadadollars

Framkvæmdastjóri Samtaka iðnaðarins telur rétt að Íslendingar kanni upptöku Kanadollars með tvíhliðasamningu við þarlend stjórnvöld standi slíkur samningur til boða.

Rætt var um gjaldmiðilsmál og upptöku kanadadollars á fundi framsóknarfélags Reykjavíkur hér á grand hóteli í morgun.

Sendiherra Kanada átti að taka til máls á fundinum en kanadíska utanríkisráðuneytið bannaði honum að mæta eftir að hann tjáði sig efnislega um málið í íslenskum fjölmiðlum.

Formaður Framsóknarflokks segir að upptaka kanadadollars sé raunhæfur möguleiki fyrir Íslendinga en þó ekki án galla.

„Menn hafa lagt mikla áherslu á það í dag að ef að menn fara þessa leið þá verði menn að sýna mikinn aga við stjórn efnahagsmála vegna þess að áföllinn ef að þau dynja á okkur geta orðið þeim mun meiri" segir Sigmundur Davíð Gunnlaugsson.

Framkvæmdastjóri Samtaka iðnaðarins segir íslendingar eigi að kanna þess leið standi hún til boða.

„Ef kanadamenn bjóða upp á það að ræða um þetta þá á sjálfsögðu að ræða við þá," sagði Orri Hauksson, framkvæmdarstjóri Samtaka iðnaðarins.

Ekki sé þó hægt að útiloka íslensku krónuna.

„Ég held að við höfum gert ákveðin mistök í rekstri krónunnar og við getum gert miklu betur í því. en það munu alltaf fylgja ákveðnir gallar krónunni það er ekki spurning en ég held að við getum gert þá galla miklu minni en þeir eru í dag."

„Hvað myndi það kosta fyrir íslenska ríkið að taka kanadadollar? svona gróft metið er verið að tala um 200 milljarða sem er þessi fyrsti kostnaður. Er það ódýrara miða við það ástand sem við búum við í dag? það er svo erfitt að meta fórnarkostnaðinn. fórnarkostnaðurinn er orðinn svo gríðarlegur þegar stærstu stórfyrirtæki landins eru að hóta því að fara af landi brott vegna hafta," sagði Ársæll Valfells.

„Ég tel ekki að við getum gengið inn í kjörbúð og valið okkur einhverja mynt eða siglt inn í norska firði eða keyrt upp í svissnesku alpana eða þess vegna farið í kjölfar vesturheimsfaranna ef að slíku væri til að dreifa yrði það að vera með fullu samþykki og fullum stuðningi yfirvalda í því landi sem um er að ræða," sagði Ólafur Ísleifsson, lektor við viðskiptadeild HÍ.