Þvertekur fyrir að skila afturenda Saddam Hussein

Yfirvöld í Írak heimta að fyrrverandi hermaður breska hersins skili afturenda Saddam Husseins hið fyrsta. Maðurinn gefur lítið fyrir óskir stjórnvalda í Írak.

Nigel Ely var í fylgdarliði kvikmyndatökuliðs sem vann að heimildarmynd um innrásina í Írak. Tökuliðið náði ótrúlegum myndum þar sem íbúar Bagdad rifu niður risavaxna bronsstyttu af Saddam Hussein, fyrrverandi forseta landsins.

Nigel eignaði sér hluta af rasskinn forsetans og tók hann með sér heim til Bretlands. Bossi Husseins stendur í garði Nigels en hann breytti honum í listarverk.

Hann ætlar ekki að verða við ósk yfirvalda í Írak. En hann er þó reiðubúinn að skipta ágóðanum af sölu listaverksins með hjálparstofnunum í Írak.