Ritstjóri Eyjunnar hættur

Karl Th. Birgisson hefur ákveðið yfirgefa ritstjórastól Eyjunnar. Persónulegar ástæður liggja að baki ákvörðuninni og þakkar hann útgefendum og lesendum síðunnar ánægjulega samfylgd.

Í frétt Eyjunnar um málið sagði Karl að persónulegar ástæður liggi alfarið að baki ákvörðuninni. „Þeim, sem hafa yndi af að búa til kenningar og trúa öðru en raunverulegum málsatvikum, verð ég að valda vonbrigðum. Að baki þessari ákvörðun er enginn ágreiningur eða átök, engin pólitík og engin dramatík."

Útgefandinn Björn Ingi Hrafnsson þakkar Karli ánægjulegt samstarf. Hann segir að Eyjan hafi tekið breytingum til hins betra undir stjórn Karls.

Á Eyjunni kemur fram að nýr ritstjóri verði ráðin á næstu dögum.