Þetta borða súpermódel í alvörunni

Armani-karlfyrirsætan Cesar Casier er búinn að gefa út matreiðslubókina Model Kitchen. Í henni deila þekktar fyrirsætur uppáhaldsuppskriftunum sínum. Kolvetni er aðeins að finna í einni uppskrift.

Fyrirsætur á borð við Karlie Kloss, Lily Donaldson, Lindsey Wixson og Milla Jovovich eiga uppskriftir í bókinni en Cesar segir uppskriftirnar endurspegla þann mat sem fólk á að borða.

Karlie býður upp á uppskrift af mangósalsa og Milla deilir uppskrift að bökuðum laxi og aspas. Spennó!

Cesar, sem er fæddur í Belgíu, byrjaði að sitja fyrir fyrir fjórum árum og hefur módelast fyrir merki á borð við Dolce & Gabbana og YSL.

"Ég skrifaði Model Kitchen í gamni. Með bókinni vildi ég sanna að fyrirsætur borða en við borðum hollan og ferskan mat sem inniheldur fáar kaloríur," segir Cesar.

Þú gætir unnið - vertu með okkur á Facebook.