Borgaði 150 milljóna íbúð í reiðufé

Suður-kóreski rapparinn Psy er búinn að festa kaup á íbúð í Los Angeles. Íbúðin kostaði hann 1,25 milljónir dollara, rúmar 150 milljónir króna. Psy virðist hafa það ágætt því hann borgaði íbúðina með reiðufé.

Íbúðin er 250 fermetrar og staðsett í Blair House-byggingunni sem er nálægt Beverly Hills.

Psy, sem heitir réttu nafni Park Jae-Sang, hefur fagnað ótrúlegri velgengni á árinu með smellinn Gangnam Style. Hann ku hafa þénað 7,9 milljónir dollara, rúmlega milljarð króna, á þessu eina lagi sem hefur trónað á toppi vinsældarlista um allan heim. Myndbandið við lagið er enn fremur það vinsælasta allra tíma á YouTube.

Þú gætir unnið - vertu með okkur á Facebook.