Fundu 300 kannabisplöntur

Lögreglan á höfuðborgarsvæðinu stöðvaði kannabisræktun á þremur stöðum í sama húsinu í Garðabæ í gær. Um er að ræða iðnaðarhúsnæði sem hefur verið breytt í íbúðir. Samtals var lagt hald á tæplega 300 kannabisplöntur og auk þess 250 grömm af marijúana. Aðbúnaður var mjög fullkominn á öllum stöðum, segir lögreglan. Á einum stað voru fullvaxnar plöntur tilbúnar til niðurskurðar. Starfseminni var jafnframt mjög haganlega fyrir komið á þessum þremur stöðum í húsinu og greinilegt að töluvert hefur verið í það lagt í íbúðunum.

Upphaf málsins má rekja til upplýsinga sem bárust um kannabislykt á svæðinu en nákvæm staðsetning lá ekki fyrir. Lögreglumenn náðu þó að þrengja hringinn og höfðu uppi á manni um þrítugt en af honum mátti finna kannabislykt. Marijúanalauf á gangi stigagangs var önnur vísbending en fyrrnefndur maður reyndist síðan hafa lykavöld að öllum þeim rýmum í húsinu þar sem kannabisræktun var að finna. Maðurinn játaði aðild sína að málinu.