Ég er enn tvíkynhneigð

Leikkonan Evan Rachel Wood og leikarinn Jamie Bell giftu sig nýverið í Kaliforníu. Aðdáendur hennar á Twitter eru forvitnir um hvort leikkonan sé enn tvíkynhneigð eins og hún hefur lýst yfir.

"Ég er ekki að reyna að vera fífl. Bara reyna að skilja. Þýðir þetta að þú ert ekki tvíkynhneigð lengur? Hvernig virkar þetta?" spurði einn aðdándi hennar á Twitter.

"Nei," svaraði Evan. "Þetta þýðir bara að ég er ekki einhleyp lengur."

Evan sagði fyrst frá því að hún væri tvíkynhneigð í viðtali við tímaritið Esquire í fyrra.

"Ég er meira eins og strákur þegar ég er með stelpu. Ég stjórna. Ég opna hurðar og borga fyrir matinn. Já, ég er rómantísk."

Evan og Jamie hittust á setti tónlistarmyndbandsins Wake Me Up When September Ends árið 2005 og byrjuðu að deita. Þau hættu saman eftir eitt ár en tókum saman aftur í fyrra. Jamie bað hennar snemma á þessu ári en parið lét pússa sig saman á dögunum. Athöfnin var lítil og aðeins nánustu fjölskyldu og vinum var boðið.