Ég ætla aldrei aftur að keyra fullur

Leikarinn Matthew Fox var heldur betur hress þegar hann mætti í þátt Ellen DeGeneres í vikunni. Þessi 46 ára leikari talaði um þá lífsreynslu að vera handtekinn fyrir akstur undir áhrifum áfengis.

"Ég var ekki ánægður með að vera handtekinn við akstur undir áhrifum áfengis. Mér fannst það neyðarlegt og ég tek fulla ábyrgð á því. Ég er búinn að læra mikið," sagði Lost-stjarnan við Ellen.

"Ég fór í þjálfunarbúðir í fjórar vikur og lærði afskaplega mikið. Eitt sem ég lærði var að helmingur þeirra sem eru teknir fullir einu sinni keyra aftur undir áhrifum áfengis. Ég mun pottþétt ekki vera í þeim hópi. Glætan."