Hæstiréttur vítir lögreglu, ákæruvald og héraðsdóm

Hæstiréttur segir að framkoma lögreglu, ákæruvalds og Héraðsdóms Reykjaness í máli tveggja manna sem ákærðir voru fyrir smygl á tveimur kílóum á kókaíni sé vítaverð og brot á lögum.

Hæstiréttur sýknaði í dag annan manninn, en hann hafði verið dæmdur í tveggja ára fangelsi í héraði. Hæstiréttur taldi ekki að sekt mannsins hafi verið sönnuð og að meðferð málsins hafi farið úr skorðum. Taldi Hæstiréttur meðal annars að brotið hefði verið gegn ákvæðum laga um meðferð sakamála um trúnað sakbornings og verjanda og um bann við framlagningu gagna sem hafa að geyma upplýsingar um það þeim hefur farið á milli.

Fram kemur í dómnum að við yfirheyrslu hjá lögreglu hafi verið myndataka í gangi á meðan yfirheyrslur fóru fram yfir félaga mannsins sem einnig var ákærður í málin og var dæmdur í eins og hálfs árs fangelsi í héraði. Sá áfrýjaði ekki dómnum til Hæstaréttar. En yfirheyrslan hafði verið tekið myndskeið. Í miðri yfirheyrslunni yfirgáfu lögreglumenn yfirheyrsluherbergið svo maðurinn gæti ráðfært sig við lögmann sinn. Þá slökktu lögreglumenn ekki á myndatökunni heldur hélt hún áfram. Lögreglumennirnir fullyrtu aftur á móti að slökkt hefði verið á upptökunni. Hæstiréttur telur að þarna hafi verið brotið gegn lögum sem heimila sakborningi að ráðfæra sig við lögmann sinn.

Hæstiréttur segir að ákæruvaldið hafi lagt fram fyrrgreindan mynddisk við meðferð málsins í héraði og héraðsdómarar vísuðu athugasemdalaust til þess í dómi sínum að þeir hafi hlýtt og horft á hann hafi verið brotið gegn ákvæðum laga þar sem lagt er bann við framlagningu hvers konar gagna sem hafa að geyma upplýsingar um það sem sakborningi og verjanda hans hefur farið á milli. Hæstiréttur segir að þetta sé vítavert.