Kardashian-klanið toppar sig í jólakortagerð

Jólakortið sem Kardashian-fjölskyldan sendir frá sér í ár er svo sannarlega upplífgandi. Þar sjást allir fjölskyldumeðlimirnir klæddir í skjannahvít föt, umkringdir silfruðum blöðrum og skrauti.

Það var Kim Kardashian sem afhjúpaði jólakortið á blogginu sínu en myndin var tekin af Nick Saglimbeni.

"Ég elska jólakortið okkar!" skrifaði Khloe Kardashian, systir Kim, á Twitter-síðu sína. Hún var eiginlega ekki með í kortagerðinni samt.

"Það þurfti að Photoshop-a mig inn á kortið. Við þykjumst alltaf vera saman en þetta eru í raun töfrar myndavéla og Photoshop," grínaðist Khloe með í þætti Ellen DeGeneres.

Eiginmanni Khloe, Lamar Odom, og hálfsystur hennar Kendall Jenner, var líka bætt við á kortið eftirá.

Þú gætir unnið - vertu með okkur á Facebook.