Kaupir annað glæsihýsi á árinu

Poppsöngkonan Rihanna keypti glænýtt, fimm herbergja hús á Barbados fyrr á árinu og gaf móður sinni, Monicu Braithwaite. Nú er hún búin að kaupa annað glæsihýs – í þetta sinn fyrir sjálfa sig.

Nýja húsið er staðsett í Los Angeles í Kaliforníu og kostaði það Rihönnu litlar tólf milljónir dollara, einn og hálfan milljarð króna.

Nýja heimili hennar er rúmlega þúsund fermetrar, takk fyrir, en lóðin er rúmlega þrjú þúsund fermetrar. Þó að eignin sé stór í meira lagi eru aðeins sjö svefnherbergi og níu baðherbergi í húsinu. Því fylgir einnig bíó- og leikjasalur og úti í garði er að sjálfsögðu sundlaug.

Þú gætir unnið - vertu með okkur á Facebook.