Forbes fjallar um EVE Online

Bandaríska tímaritið Forbes fjallar á vefsíðu sinni um gott gengi íslenska tölvuleiksins EVE Online sem Hilmar Veigar Pétursson og félagar hjá CCP hafa á sinni könnu.

Greinarhöfundur skrifar að það sé óvenjulegt að tölvuleikur sem hafi tekjur sínar af áskriftum skuli ganga eins vel og raun ber vitni, því vinsældir slíkra leikja hafi farið mjög dvínandi. Áskriftirnar séu orðnar yfir 450 þúsund um heim allan.

„Það sem EVE Online er að gera er að virka. Aðrir leikir virðast ekki geta fetað í fótspor hans og þess vegna er þetta einn af örfáum áskriftarleikjum sem eru í vexti," skrifar greinarhöfundur.

Umfjöllunina má nálgast hér.