Ég hef ekki borðað neitt í dag!

Jersey Shore-stjarnan Snooki er með það á heilanum að losna við meðgöngukílóin. Hún eignaðist soninn Lorenzo fyrir tveimur mánuðum.

Hún er enn með Lorenzo á brjósti og það eitt og sér getur brennt allt að fimm hundruð kaloríum á dag. Þess vegna mæla læknar ekki með að konur með börn á brjósti fari í megrun. Snooki lætur þetta sem vind um eyru þjóta og lifir á kjúklingi, brokkolí, spínati og salati. Snooki fer enn fremur þrisvar sinnum í viku í ræktina þar sem hún æfir með einkaþjálfara.

"Ég hef ekki borðað neitt í dag, klukkan er fjögur. Ég er glorhungruð," viðurkenndi Snooki í viðtali við tímaritið inTouch á dögunum.

Snooki hefur grennst ansi hratt síðustu vikur en stefnir á að léttast um átta kíló til viðbótar fyrir afmæli sitt þann 23. nóvember. Snooki hefur rætt opinskátt um glímu sína við átröskun og það er rétt að vona að hún fái tilheyrandi hjálp – þetta getur ekki verið heilbrigt.