Þriller og fyrirsætur

Sambíóin frumsýna þrillerinn House at the End of the Street á föstudaginn. Hunger Games leikkonan Jennifer Lawrence leikur þar Elissu sem flytur í nýjan bæ ásamt móður sinni, leikinni af Elisabeth Shue.

Hún kynnist Ryan, ungum strák úr næsta húsi, og þeim verður vel til vina. Systir Ryans hafði myrt foreldra þeirra nokkru áður en hann hafði komist undan árásinni. Elissa kemst þó að því sér til skelfingar að sögunni er hreint ekki lokið.

Heimildarmyndin Girl Model er fyrsta myndin sem verður sýnd á mánaðarlegum heimildarmyndakvöldum Bíós Paradís undir heitinu BÍÓ:DOX. Í myndinni er fyrirsætubransinn skoðaður og varpað er ljósi á ólíkar útgáfur þess raunveruleika sem ungu stúlkurnar sem starfa í honum upplifa.

- trs