Eftir að hitta stóru ástina

Bróðir Katy Perry segir að hún hafi ekki enn hitt hinn eina rétta. Söngkonan skildi við gamanleikarann Russell Brand fyrr á þessu ári og hefur verið að hitta tónlistarmanninn John Mayer að undanförnu.

Yngri bróðir hennar, David Hudson, er samt ekki sannfærður um að hún hafi fundið stóru ástina í lífinu. „Hún á skilið að vera með sönnum heiðursmanni og ég held að hún hafi ekki enn fundið hann,“ sagði hann í viðtali við tímaritið Life & Style. Perry byrjaði að hitta Mayer í júní og síðan þá hafa þau hætt einu sinni saman.