Handþvottur nauðsynlegur

33% karlmanna og 20% kvenna þvo sér ekki um hendurnar eftir að hafa lokið sér af á salerninu ef marka má könnun sem pappírsfyrirtækið SCA framkvæmdi á landsvísu í Bandaríkjunum. Enn færri karlmenn reyndust þvo sér um hendurnar eftir að hafa hnerrað, hóstað eða meðhöndlað sorp.

Handþvottur er þó afar nauðsynlegur. Það að skella sápu á hendurnar og smeygja þeim undir vatnsbunu í 20 sekúndur minnkar hættu á að dreifa sjúkdómum á við niðurgang og lungnabólgu. Auk þess dregur það úr líkum á sýkingu í húð og augu og áhættu á innvortis ormum eða flensu. Rannsóknir hafa meira að segja leitt í ljós að reglulegur handþvottur hefur haft áhrif á alnæmissjúklinga og hjálpar þeim að halda betri heilsu.