Framboð til 2. varaformanns Sjálfstæðisflokksins.

Jens Garðar Helgason, framkvæmdastjóri og formaður bæjarráðs í Fjarðabyggð, lýsir yfir framboði til embættis 2. varaformanns Sjálfstæðisflokksins, sem kosið verður til á flokksráðsfundi í mars næstkomandi.

Jens er oddviti Sjálfstæðismanna í Fjarðabyggð og framkvæmdastjóri útflutningsfyrirtækisins Fiskimiða ehf. á Eskifirði. Hann er fæddur og uppalinn Eskfirðingur, sonur hjónanna Helga Garðarssonar, rafvirkja, og Herdísar Hallbjörnsdóttur, húsmóður.

Jens á þrjú börn, Heklu Björk 13 ára, Thor 8 ára og Vögg 6 ára og er í sambúð með Kristínu Lilju Eyglóardóttur, sem nú stundar sérfræðinám í heilaskurðlækningum í Svíþjóð.

Þá hefur Jens gengt margvísislegum trúnaðarstörfum fyrir flokkinn. Hann var formaður FUS Hávarrs á Eskifirði og formaður FUS Varðar á Akureyri 1995 – 1996. Þá sat Jens í stjórn SUS fyrir Austurland og síðan Norð – Austurkjördæmi frá 1995 – 2005.

Hann hefur að auki setið á framboðslistum á Austurlandi og síðan Norð – Austurkjördæmi síðan 1995.

Hann hefur átt sæti í bæjarstjórn Fjarðabyggðar frá 2006 og verið oddviti Sjálfstæðismanna síðan 2010.