Ungir framsóknarmenn mótmæla hækkun bílastæðagjalda

Stjórn félags ungra framsóknarmanna í Reykjavík mótmælir öllum hugmyndum um hækkun bílastæðagjalda í miðborg Reykjavíkur.

Til stendur að hækka stöðumælagjaldið í miðborg Reykjavíkur og lengja gjaldskyldan tíma. Umhverfis- og samgönguráð Reykjavíkurborgar samþykkti í gær að beina þessum tillögum til borgarráðs.

Nái tillögurnar fram að ganga hækkar klukkutíma gjald fyrir bílastæði á götum úr 150 krónum í 250 krónur. Ráðið leggur til að gjald í bílastæðahúsum verði óbreytt en þar kostar fyrsti klukkutíminn 80 kr. en næstu tímar 50 kr. Staðfesta þarf tillögur ráðsins í borgarráði en áformað er að breytt gjaldtaka hefjist 15. apríl næstkomandi.

Að mati Ungra framsóknarmanna í Reykjavík mun þessi aðgerð fæla fólk frá hverfinu og veikja samkeppnishæfni verslana í miðborgarinni. Ungir framsóknarmenn í Reykjavík minna á það í ályktun sinni að stöðumælarnir eru nú þegar að þjóna tilgangi sínum sem er að rýma stæðin reglulega og tökum við því undir með verslunareigendum að hækkunin sé fullkomlega óþörf.