Sjáðu Kanye West tilkynna óléttu Kim

Sjónvarpsstjarnan Kim Kardashian og unnusti hennar, tónlistarmaðurinn Kanye West, eiga von á erfingja á næsta ári. Kanye tilkynnti fréttirnar á tónleikum sínum eins og sjá má á meðfylgjandi myndskeiði sem tekið var í Atlanta.

Kardashian klanið hefur lýst yfir ánægju sinni á Twitter síðum sínum sem er ekkert skrýtið því nú getur raunverleikaþáttur fjölskyldunnar sem sýndur er á sjónvarpsstöðinni E! aldeilis haldið áfram göngu sinni þar sem fylgst verður gaumgæfilega með meðgöngu stjörnunnar og rapparans.