Sérstakt líf raunveruleikastjarna

Raunveruleikastjörnurnar Kourtney Kardashian og Scott Disick héldu upp á þriggja ára afmæli sonarins um helgina með því að fara í bátsferð.

Rétt eins og venjulega var heill her ljósmyndara og kvikmyndatökufólks á hælum þeirra en það er óhætt að segja að nánast allt líf þeirra sé tekið upp sem hlýtur að vera svolítið sérstakt.

Eflaust var þetta eitt atriði af mörgum í raunveruleikaþættinum, Keeping up with the Kardashians sem virðist ekkert ætla að dala í vinsældum þarna vestan hafs.

Mason litli var hálf hissa á öllum látunum í kringum sig og sína eins og sjá má á meðfylgjandi myndum.



Litla systir hans var hvergi sjáanleg.