Einmana prins

Vilhjálmur Bretaprins var frekar einmana á rauða dreglinum þegar kvikmyndin The Hobbit var frumsýnd í London. Vilhjálmur var heiðursgestur og saknaði spúsu sinnar, Kate Middleton.

"Kate hefði elskað að vera hér," lét Vilhjálmur hafa eftir sér en hún hefur lítið sést síðan tilkynnt var að parið ætti von á barni. Kate hefur nefnilega glímt við mikla morgunógleði og ekki bætir símahrekksharmleikurinn úr skák.

Vilhjálmur bar sig samt vel og spjallaði við aðalstjörnur myndarinnar, Ian McKellen, Martin Freeman, Elijah Wood og Cate Blanchett ásamt því að blanda geði við leikstjórann sjálfan Peter Jackson.

Þú gætir unnið - vertu með okkur á Facebook.