Ég er trúlofuð!

Idol-stjarnan Kelly Clarkson er trúlofuð sínum heittelskaða Brandon Blackstock. Þetta tilkynnti Kelly á Twitter-síðu sinni en Brandon bað hennar á föstudaginn var.

"Ég er trúlofuð! Ég vildi segja ykkur öllum það. Besta kvöld lífs míns var í gærkvöldi. Ég er svo heppin og er með frábærasta manni í heimi," skrifaði Kelly, greinilega enn í sæluvímu.

Kelly deildi líka mynd af trúlofunarhringnum sem Brandon hannaði sjálfur með hjálp skartgripahönnuðarins Johnathon Arndt. Johnathon hannaði líka hring Idol-stjörnunnar Carrie Underwood.

Þú gætir unnið - vertu með okkur á Facebook.