Hætt saman – í alvörunni!

Ungstirnin Justin Bieber og Selena Gomez eru hætt saman eftir tveggja ára ástarsamband. Voru þau víst of upptekin til að geta haldið neistanum logandi.

"Selena hætti með Justin fyrir viku síðan. Þetta hefur verið mjög erfitt síðasta árið því þau eru bæði svo upptekin. Selena treysti Justin líka ekki fullkomlega," segir aðili náinn parinu sem vill ekki láta nafn síns getið.

Oft hefur verið slúðrað um að þetta fallega par sé hætt saman en nú eru sögurnar sannar. Margar stúlkurnar eru eflaust ánægðar með þennan ráðahag því Justin er einn helsti hjartaknúsarinn í dag hjá yngri kynslóðinni.

Sjá myndir af parinu HÉR.