Umtöluð og eitursvöl

Twilight-stjarnan Kristen Stewart stal aldeilis senunni þegar hún var viðstödd sýningu á nýjustu mynd sinni On the Road í Hollywood um helgina.

Kristen klæddist unaðslegu dressi frá Balenciaga sem sýndi bæði smá maga og brjóstaskoru. Hún var í svörtum hælum frá Christian Louboutin við og með hárið tekið aftur í tagl. Er það mál manna að þetta sé eitt besta lúkk sem Kristen hefur púllað á ferlinum.

Kristen er svo sannarlega umtöluð eftir að hún hélt framhjá kærasta sínum Robert Pattinson með leikstjóranum Rupert Sanders. Kristen og Robert eru byrjuð aftur saman og svo virðist sem allt ætli að ganga upp eftir allt saman.