Ég er hætt að léttast

Óskarsverðlaunahafinn Jennifer Hudson prýðir forsíðu desemberheftis tímaritsins Redbook. Þar talar hún um mikið um vigtina en Jennifer hefur lést um rúmlega 36 kíló síðustu tvö árin.

Hún fór úr stærð 16 í stærð 6 og er ánægð með líkama sinn í dag.

"Ég er í þeirri þyngd sem mig langar til að vera. En fólk segir mér oft að hætta að léttast. Fólk heldur að ég sé enn að létta mig en ég er hætt að léttast," segir Jennifer en það hefur tekið hana langan tíma að sættast við líkama sinn eins og hann er í dag.

"Ég venst sjálfri mér með tímanum. Ég vandist því að vera of þung og held stundum að ég þurfi föt í stórum stærðum. Þá segir stílistinn mér að ég sé í miðlungsstærð eða lítilli."