Mér var sagt að ég gæti ekki eignast börn

Stjörnubarnið og fyrirsætan Peaches Geldof er stolt móðir sonarins Astala sem hún eignaðist með eiginmanni sínum Tom Cohen. Astala kom í heiminn fyrir sex mánuðum en áður en Peaches varð ólétt var henni sagt að hún gæti ekki eignast börn.

Peaches var flutt á sjúkrahús fyrir þremur árum vegna þess að hún var með utanlegsfóstur. Hún segir það hafa verið hræðilega lífsreynslu.

"Ég var miður mín því mig langaði alltaf í börn og mér var sagt að það yrði mjög erfitt. Ég vaknaði um miðja nótt með hrikalega verki. Það var eins og væri verið að rífa mig í tvennt. Ég hafði ekki hugmynd um að ég væri ólétt. Ég var flutt á sjúkrahús og þá kom í ljós að ég var með utanlegsfóstur. Mér var sagt að ég hefði dáið ef ég hefði komið þremur dögum seinna."

Eftir þessa lífsreynslu þjáðist Peaches af áfallastreituröskun og hún velti meira að segja upp þeim möguleika að frysta egg sín.

"Ég hugsaði um að frysta eggin mín en ég varð að horfast í augu við það að ég gæti ekki eignast börn."