Farin í meðferð

Nadya Suleman, sem oftast er kölluð áttburamamman, er farin í meðferð vegna fíkn í lyfseðilsskyldar pillur, þá sérstaklega Xanax. Þó gælunafnið gefi annað til kynna, á Nadya fjórtán börn en hún fæddi áttbura árið 2009. 

"Nadya vill hætta að nota Xanax sem hún fékk hjá lækni og læra að takast á við stress, ofþreytu og streitu með hjálp þaulreyndra lækna. Nadya vill takast á við sín mál svo hún geti verið góð móðir," segir fjölmiðlafulltrúi Nadyu.

Þrjár barnfóstrur og nokkrir vina hennar gæta barna hennar en Nadya verður í meðferð í þrjátíu daga. Nadya lýsti sig gjaldþrota fyrr á árinu en þénar nú ágætan pening þar sem ferill hennar í klámmyndabransanum blómstrar.