Bæ, bæ barnabumba!

Fyrrverandi raunveruleikastjarnan Chantelle Houghton er staðráðin í því að losna við kílóin sem hún bætti á sig á meðgöngunni og er búin að ráða sér einkaþjálfara.

Hún var mynduð í tíma hjá þjálfaranum þar sem hún sagði honum að hverju hún vildi helst einbeita sér. Það er ljóst að hún vill losna við ansi mikið af maganum af myndunum að dæma. Þá benti hún líka á upphandleggsvöðvana en Chantelle er greinilega mjög kröfuhörð.

Chantelle eignaðist dótturina Dolly í júní á þessu ári með fyrrverandi unnusta sínum Alex Reid. Hún hefur sagt í viðtölum að henni liggi ekki á að losna við meðgöngukílóin.

"Ég myndi vilja fara aftur í stærð 10 en ég sætti mig við 12. Ég geri þetta á jöfnum hraða. Ég er ekki að flýta mér."