Ég hef ekki drukkið áfengi í fimmtán ár

Leikarinn Gerard Butler prýðir forsíðu nóvemberheftis tímaritsins Men's Journal. Þar opnar hann sig um af hverju hann ákvað að fara í afvötnun á Betty Ford-stöðinni í febrúar á þessu ári.

"Ég held að ég sé fíkill í mér. Það er bæði gott og slæmt."

Gerard byrjaði að taka lyfseðilsskyldar verkjatöflur þegar hann meiddist við tökur á kvikmyndinni Shattered árið 2007. Hann fann fyrir meiðslunum næstu þrjú árin en bakverkirnir jukust þegar hann lék í Coriolanus árið 2010.

"Það var eins og einhver væri að stinga spjóti í mig. Verkirnir urðu slæmir og ég tók eitthvað við þeim. En ég gat alltaf hætt að taka inn lyfin," segir leikarinn. Hann slasaðist aftur í desember í fyrra þegar hann tók upp brimbrettaatriði í Chasing Mavericks.

"Ég byrjaði að taka meira af verkjalyfum á mjög skömmum tíma." Hann ákvað að fara í meðferð til að tryggja það að hann yrði ekki háður verkjalyfum. Hann var í meðferð í þrjár vikur og upp spruttu sögusagnir að hann væri byrjaður að drekka og taka inn ólögleg fíkniefni.

"Það gerði mig brjálaðan. Ég hef ekki drukkið áfengi í fimmtán ár.