Opnar sig um framhjáhaldsslúðrið

Söngkonan Fergie talar opinskátt um sögusagnir þess efnis að eiginmaður hennar, Josh Duhamel, hafi haldið framhjá henni í viðtali við Opruh Winfrey. Sögusagnirnar spruttu upp fyrir nokkrum árum og tóku sinn toll á hjónabandið.

"Þetta var erfitt. Þegar sambönd fara í gegnum svona erfiða tíma verða þau sterkari. Það gerðist hjá okkur. Í dag er ást okkar dýpri," segir Fergie við Opruh.

Fergie segir þau Josh geta tekið á hverju sem er núna.

"Við tökumst á við erfiðleika, við tölum saman. Samskipti eru mikilvægust."