Kjólaklikk! Þetta hefði getað farið illa!

Fótboltaeiginkonan Abbey Crouch er þekkt fyrir flottan stíl en hún lenti í talsverðum vandræðum með kjólinn sinn á tískuvikunni í Liverpool um helgina.

Þessi 26 ára fyrirsæta klæddist afar flegnum kjól og það munaði minnstu að brjóstin poppuðu út í miðri tískusýningu. Sem betur fer var Abbey ekki á pallinum heldur aðeins í áhorfendaskaranum.

Litla systir Abbey, Elle Clancy, var hins vegar að módelast á viðburðinum sem var haldinn á Hilton-hótelinu í Liverpool.

Abbey er gift fótboltamanninum Peter Crouch sem nú spilar með Stoke í ensku úrvalsdeildinni.