Eyðir 20 milljónum á ári í útlitið

Það er ekki ókeypis að vera hertogynja. Það veit Kate Middleton mætavel. Áætlað er að hún eyði rúmlega hundrað þúsund pundum, rúmum tuttugu milljónum króna, í útlitið á ári.

Í þessu felst fatnaður, hárgreiðsla, einkaþjálfari og snyrting af ýmsu tagi.

Um það bil átta þúsund pund á ári, rúm ein og hálf milljón króna, fer í að halda hárinu óaðfinnanlegu. Önnur átta þúsund pund fara síðan í brúnkusprey.

Föt eru án efa einn stærsti kostnaðarliðurinn en Kate eyðir rúmlega 35 þúsund pundum, um sjö milljónum króna, í hátískuföt á hverju ári. Kate reynir þó að halda kostnaðinum í lágmarki og hefur sést oftar en einu sinni í sama kjólnum.