Leikur sjálfa sig

Björk Eiðsdóttir ritstjóri Séð og heyrt leikur sjálfa sig í sjónvarpsþættinum Sönn íslensk sakamál sem er á dagskrá á Skjá einum næsta mánudag þar sem fjallað er um Catalinu Mikue Ncogo sem var ákærð fyrir vændisstarfsemi og mansal.

"Það er auðvitað sögulegt að hefja leiklistarferilinn á að leika sjálfa sig og gaman að vita að enginn annar hafi passað í hlutverkið. Leikstjórinn sannfærði mig um að ég hefði ekki ofleikið," segir Björk spurð um reynsluna.

Blaðamennirnir Jakob Bjarnar og Þórarinn Þórarinsson leika sig sjálfa einnig í þættinum.

Hér er myndbrot úr þættinum.