Borgar morðfjár fyrir hús Eddie Murphy

Grammy-verðlaunahafinn Alicia Keys hefur keypt villu grínistans Eddie Murphy á tólf milljónir dollara, rúman einn og hálfan milljarð króna.

Húsið er staðsett í Englewood í New Jersey og er svo sannarlega dýrari týpan. Í því eru 32 herbergi, keilusalur, tennisvöllur, hljóðver, tvær lyftur, innisundlaug og fjórtán baðkör. Húsinu fylgir einnig stórt gestahús.

Eddie borgaði 3,5 milljónir dollara, tæplega fimm hundruð milljónir, fyrir þetta 230 fermetra hús árið 1985. Það er búið að vera á markaðinum síðan árið 2004.